想搵酒店?用Agoda訂酒店,優惠高達80%! 全球超過750,000家酒店任您選擇: 立即預訂

指定動作! 今次搭芬蘭航空AY070,出發!

fids to helfids to ivalohel airport
訓了十個幾鐘飛機,終於都到芬蘭!去個洗手間,清醒下,過埋關,就去搭另一程內陸機往Ivalo出發!北極光,我黎喇!

落機之後,一入去已經見到酒店職員舉牌歡迎我地,好窩心丫~nellim hotel1
好快拎埋行李就上車,白茫茫既芬蘭,感覺好特別!沿途司機先生會介紹下四圍的風景區,原來我只要走其中某條路行9 km就會到俄羅斯,可是現在已經封了。另外,原來我地一直係沿著芬蘭第二大的湖走,但白茫茫一片,真係看不出來= =” 講著笑著,就到達酒店。

這間就係我地依幾日入住既酒店,我地訂左個4日3夜既Package,當中包括雪上電單車,snowshoeing (滑雪鞋),Husky Safari (雪橇犬拉車),當然仲有最重要既北極光追蹤!

nellim hotel2 nellim room2 Nellim room1

由於我份人比較孤寒,除非同屋企人去旅行,否則很少住酒店。但今次我地實在係去到好北既地方,係沒有選擇既情況下,唯有揀最平既酒店,但對於住開Hostel既我黎講已經好豪華!同埋我真係好鐘意鹿!所以見到咁多鹿既裝飾,真係好興奮!

nellim hotel3nellim hotel4

趁未有活動,周圍影下相,玩下雪,不過真係「好Q凍」!得果零下十幾廿度,所以玩了一陣就返房休息~
northern light at front door
再一次踏出屋外既時候,抬頭就已經見到北極光喇!靚到痴左線!感覺好夢幻好唔真實,雖然到左食飯時間,又勁凍,但真的不得走開!睇住佢動來動去,好似有生命似的,到d光線慢慢減弱,由我地見到果刻到消失,只係維持左幾分鐘,果然係可遇不可求,但已經覺得好幸運,已經好興奮,暗暗覺得自己會見到更靚既極光!snow mobile2

食完飯就開始準備出發玩雪上電單車,入夜後氣溫會得返零下廿幾度,而且係雪上奔馳都真係寒風刺骨,所以一定要著好晒酒店預備既衣物,著完之後個個都飛虎咁,型到爆!

之後,去拎裝備既時候巧遇hostel老闆,佢問我地邊度黎,咁我就答我地係香港黎既,佢問香港最凍有幾凍?我話某d地方最凍都會有零度,佢扮野打左個冷震話:凍死人咩 -0- snow mobile custom

玩依架雪上電單車都唔算太難,不過就真係都幾攰,可能因為緊張啦~佢始終係一部電單車,感覺好似會好危險(但其實係好安全架)我地既時速大概係30km,風馳電制,都幾過癮!玩完之後已經好攰,要訓了~

轉載於窮_遊世界。為令整體文章觀感增加,本文經編輯作少量修改。

更多相關旅遊資料...

About The Author

偲凝

流浪了好幾年的貪玩女生,回港後身體每況愈下,休養期間,決定用文字再次遊走世界

Leave a Reply

Your email address will not be published.