想搵酒店?用Agoda訂酒店,優惠高達80%! 全球超過750,000家酒店任您選擇: Agoda 日本 台灣 泰國 韓國

Hi 是咁的 我就係早前小編所講仆_仆成口血既朋友喇! 其實我唔只成口血咁簡單 直頭無埋隻門牙添!

個次既經驗簡直係人生中最痛苦之餘 兼過左咁多年都繼續被人笑緊..

話說四年前小妹仲係澳洲工作假期緊

當時寄宿係朋友屋企 某日朝早就要由Sydney準備返入Young農場 朋友H就車我去Central Station會合朋友R一齊返入去既

由於當日落大雨 朋友H就咩住我個Backpack去左拎車叫我企前少少等佢 (當時我係左手一袋外賣 右手一部notebook架咋)

咁好喇 見朋友H咁輕易就跳過舊石唔使淋雨就行到去簷篷下 重唔有樣學樣!

點知..學Did Did姐話齋 – 意外 就係意料之外 即刻出事

一跳個下可能鬼遮眼喇 比舊石kick低左 個一秒我就好似拍戲咁 所有野停頓左 但個腦就係度諗dum邊樣野落地好

1. 如果dum電腦  實壞 打後個半年=與世隔絕

2. 如果dum外賣 由Sydney入Young再返農場 好彩既7/8個中無得食 唔好彩delay既10個中走唔甩

最後係千鈞一髮之間”放左”個外賣落地 而自己就直仆落地下

(依家諗返 梗係咋咋臨dum鬼左個外賣喇! 唔知要考慮d麥..)

無錯 仆到應一應 即刻喊到痴左線

個下我淨係望到自己手掌擦損左同feel到唇山個位有點痛 咁岩朋友H既landlord返工見到 就埋黎問我咩事

其實已經完全唔記得當時我驚到同landlord講左d咩 淨係記得不斷用普通話同佢講”我的大牙不見了 去了哪裡..?

朋友H拎車返黎見到我喊到豬頭咁 當然問咩事喇 我答佢 我隻門牙唔見左呀..

擾攘左一陣 landlord就話佢趕住返工 (佢係附近診所打工) 有話返到去再出黎幫我地 但我地reject左 因為都唔知幫到咩

Landlord走左之後 有一刻覺得自己feel錯既 邊有可能無左隻牙呀傻豬黎架!

一拎塊鏡出黎照 只可以用晴天pig pig黎形容當時心情 我真係仆_仆到無左半隻門牙!

IMG_6557

咁我就叫朋友H睇下地下搵唔搵得返個半隻牙既殘骸 佢搵左陣突然指住前方同我講:

見唔見到個條白色痕 你個半隻牙磨到成架 

(大家可以幻想下用白色粉筆係石屎地畫左條線係點 個條痕就係點..)

媽呀! 我黎澳洲係工作假期架 唔係黎做超音鼠架 究竟我個下仆_既速度有幾快先可以磨到咁

因為朋友H都趕住要返工 我唯有跟佢返工係鋪頭坐

上到車 喊住打比朋友R 唔講野由只可 一講野 口水不自覺地流到巴巴聲

當話佢知我仆到無左隻牙黎唔到 大家都係大笑左出黎 事後佢話返我知 開頭聽到我喊晒 以為我比人打劫

返到鋪頭 朋友H就幫我打去問下教會朋友搵識講中文既牙醫 最後搵到一位叫Douglas既牙醫 (真心記佢一世!!!!)

依次睇牙就係我四年黎惡夢前既開始..

(下回再續..)

更多相關旅遊資料...

About The Author

Sharon Lee

典型八十後窮遊港女 | 明信片收集者 | 旅行 ,不求儲蓄飛行里數,只求儲蓄大量開心回憶。

Leave a Reply

Your email address will not be published.