想搵酒店?用Agoda訂酒店,優惠高達80%! 全球超過750,000家酒店任您選擇: 立即預訂

【蟲出沒.注意】如何區分俾蚊咬同蟲咬分別!保命篇!

繼上星期去月睇醫生 去埋藥房配藥

心諗乖乖地做個病人 同太陽說不 再同酒精說不

然後再用3粒鍾大掃除我間閏房 消毒藥水 新床 床單 抹地

諗住可以過返安逸的日子

只能夠說我太高估自己既清潔能力 更輕視左佢地

因為琴日一早 新既紅腫痕又出現 仲要係面到 佢地真心識咬!

經過一番調查 終於知道成因 所以好想分享

至少希望大家見到依篇野識點分辨 咬痕同特徵 唔洗行咁多冤枉路 !

如果以為訓覺先俾野咬就係床有問題,咁就真係太天真啦 !

一般黎講 有兩種蟲咬係最普遍 包括: (mosquito)同床蟲(bed bug)

(Mosquitos)

mosqu

相信大家對俾蚊咬完全唔會感到陌生,當然如果淨係普通蚊咬紅腫畫十字就搞掂啦。

但點解我仍然會解釋係因為係我身上發生既蚊咬所出現既症狀完全唔同,所以好想分享俾大家知。

因為係最初全身敏感連紅腫,每日都會係身體唔同部位出現,不論手腳背部同塊面,疑似風赧。

我起初以為自己係皮膚敏感,結果係藥房配敏感藥食足10日。

然後皮膚上既紅腫轉左第2種方式出現,會大範圍紅腫超痕癢

全部都超級紅腫同硬,什至乎更出現水疱。當我去到醫院,醫生話全身都感染。

最後上網查左好耐,終於解構到自己係俾蚊咬,但點解會咁誇張呢?

原來係因為我俾蚊蟲咬完之後對佢地留低既口水有過敏反應,免疫系統差而且反應太劇烈,所以會引致類似風赧或水泡出現。

如果再嚴重者更會出現眼腫、血壓下降、頭暈,甚至氣促或呼吸困難,需入院注射腎上腺素,控制過敏情況。所以如果出現以上症狀都係及早求醫,而醫生開俾我既都係ANTI-BIOTIC同搽類固醇。

IMG_2479IMG_2247

驅蚊方法:
勤清潔

蚊香 (一般中國超市有售)

除此之外,我亦上網搵左天然橙皮驅蚊方法,製作容易:

只需將橙皮曬乾放入紗網袋,可掛於床頭驅蚊。如到郊外亦可整成細包隨身帶,畢竟蚊怕水都係化學品。

止痕方法亦有兩種超簡易方法介紹(完全適合超懶又唔想俾錢既人即係我:P):

可用鹽+水塗於痕處 (可軟化硬腫塊)

用皂水塗於痕處

再搽藥膏啦當然

床蝨/床蟲(Bed bugs)

BEDBUG

依隻細小既昆蟲 絕對係各遊人聞風喪膽 連大隻佬都怕左佢既昆蟲

因為仍地繁殖能力極強 偏好吸人血 夜晚活動 鍾意襯你訓覺後殺你一個操手不及

特微:

當感到被咬,睇睇傷痕,因為床蝨通常會造成一堆或一串的傷痕、有時會呈綫性排列,其癢無比。

bedbugbite

檢查:

可檢查床褥四角,一般仍地會藏於床褥底部

留意床單有無一點點血跡

除蟲:

將床單、被全部高溫消毒清洗

床褥用熱毛巾抹,放於太陽低下囇

*古語有云:唔賴過野往往都唔會了解,我中哂LOL

更多相關旅遊資料...

About The Author

Wanderer wandering in the world

Wanderer wandering in the world|| 80後 對港式生活感到泛味 辭職出走 由工作假期 變成 完全假期 當旅行開始 停不了 一直遊走於歐洲 非洲 十多個城市 不斷探索 世界之大無其不有 借此記錄及分享旅遊經過 行程 柒事柒聞 感動一刻 港式正宗CHEAP精 為平可以不顧一切 『及時行樂』 係我旅遊宗旨 Life is short. If not now, when?

Leave a Reply

Your email address will not be published.